அதிர்ந்த போலீசார்… உல்லாச மன்னன் காசி வீட்டில் ஏராளமான கிஃப்ட் பொருட்கள்

நாகர்கோவில் காசி மற்றும் அவரது நண்பன் ஆகியோருக்கு ஐந்து நாட்கள் சிபிசிஐடி காவல் நிறைவடைந்த நிலையில் இன்று நீதிபதி முன் ஆஜர்படுத்தப்பட்டு மீண்டும் சிறையில் அடைக்கப்பட்டனர்.

சமூக வலைத்தளங்கள் மூலமாக பள்ளி, கல்லூரி மாணவிகள் முதல் ஏராளமான இளம்பெண்களை தொடர்புகொண்டு காதலிப்பது போல் நடித்து அவர்களோடு தனியாக இருப்பதை ஆபாச படங்கள் எடுத்து அவற்றை வைத்து மிரட்டி பணம் பறித்ததாக நாகர்கோவிலைச் சேர்ந்த காசி மீது ஏராளமான குற்றச்சாட்டுகள் எழுந்தன.


அதையொட்டி பாதிக்கப்பட்ட சென்னையை சேர்ந்த பெண் மருத்துவர் அளித்த புகாரில் காசி கைது செய்யப்பட்டார். அதனை தொடர்ந்து நான்கு பெண்களும் ஒரு இளைஞரும் கொடுத்த புகாரில், காசி மீது ஒரு போக்சோ வழக்கு, 2
பாலியல் பலாத்கார வழக்கு, ஒரு கந்துவட்டி வழக்கு என ஆறு வழக்குகள் பதிவு செய்யப்பட்டன.

இதனிடையே காவல்துறை காசியை குண்டர் சட்டத்தில் கைது செய்தது. மேலும் இந்த வழக்குகள் சிபிசிஐடி போலீஸ் வசம் ஒப்படைக்கப்பட்டன. சிபிசிஐடி போலீசார் காசியை காவலில் எடுத்து விசாரிக்க அனுமதி கேட்டதன் அடிப்படையில் ஐந்து நாள் போலீஸ் காவல் வழங்கப்பட்டது.

இந்நிலையில் சிபிசிஐடி காவல் நேற்றுடன் முடிந்ததை தொடர்ந்து காசி மற்றும் அவரது நண்பர் டெய்சன் ஜினோ ஆகியோருக்கு நீதிபதி உத்தரவு படி அரசு மருத்துவகல்லூரி மருத்துவமனையில் இருவருக்கும் கொரோனா மருத்துவ பரிசோதனை முடிந்து, மாஜிஸ்திரேட் வீட்டில் ஆஜர்படுத்தப்பட்டு சிறையில் அடைக்கப்பட்டனர்.

காசி மற்றும் அவனது நண்பனை அவர்களின் வீட்டிற்கு அழைத்து சென்ற போலீஸ், காசியின் பெற்றோரிடம் விசாரணை நடத்தினர். காசியின் வீட்டில் மறைத்து வைக்கப்பட்டிருந்த மெமரி கார்டு, மொபைல் போன் மற்றும் காசிக்கு பல பெண்களால் அளிக்கப்பட்ட விலை உயர்ந்த பரிசு பொருட்கள் கைப்பற்றினர்.

பறிமுதல் செய்யப்பட்ட மெமரி கார்டு உள்ளிட்டவற்றை ஆய்வுக்கு அனுப்பி வைத்த போலீசார், காசியுடன் தொடர்பு வைத்துக்கொண்டு குற்ற செயலுக்கு உதவிய முக்கிய புள்ளிகள் சிலர் சிக்குவார்கள் என சிபிசிஐடி வட்டாரங்கள் தகவல் தெரிவித்து உள்ளனர்.

Leave a Reply